اس امید پہ روز چراغ جلاتے ہیں — زہرا نگاہ
شاعر
اس امید پہ روز چراغ جلاتے ہیں
اس امید پہ روز چراغ جلاتے ہیں
آنے والے برسوں بعد بھی آتے ہیں
ہم نے جس رستے پر اس کو چھوڑا ہے
پھول ابھی تک اس پر کھلتے جاتے ہیں
دن میں کرنیں آنکھ مچولی کھیلتی ہیں
رات گئے کچھ جگنو ملنے جاتے ہیں
دیکھتے دیکھتے اک گھر کے رہنے والے
اپنے اپنے خانوں میں بٹ جاتے ہیں
دیکھو تو لگتا ہے جیسے دیکھا تھا
سوچو تو پھر نام نہیں یاد آتے ہیں
کیسی اچھی بات ہے زہرہؔ تیرا نام
بچے اپنے بچوں کو بتلاتے ہیں
Is ummeed pe roz charaagh jalate hain
Is ummeed pe roz charaagh jalate hain
Aane wale barson baad bhi aate hain
Hum ne jis raste par us ko chhora hai
Phool abhi tak us par khilte jaate hain
Din mein kirnen aankh micholi khelti hain
Raat gaye kuch jugnu milne jaate hain
Dekhte dekhte ik ghar ke rehne wale
Apne apne khanon mein bat jaate hain
Dekho to lagta hai jaise dekha tha
Socho to phir naam nahin yaad aate hain
Kaisi achhi baat hai Zohra! Tera naam
Bachche apne bachon ko batlate hain
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں