جاں دینا بس ایک زیاں کا سودا تھا — زہرا نگاہ
شاعر
جاں دینا بس ایک زیاں کا سودا تھا
جاں دینا بس ایک زیاں کا سودا تھا
راہ طلب میں کس کو یہ اندازہ تھا
آنکھوں میں دیدار کا کاجل ڈالا تھا
آنچل پہ امید کا تارہ ٹانکا تھا
ہاتھوں کی بانکیں چھن چھن چھن ہنستی تھیں
پیروں کی جھانجھن کو غصہ آتا تھا
ہوا سکھی تھی میری، رت ہمجولی تھی
ہم تینوں نے مل کر کیا کیا سوچا تھا
ہر کونے میں اپنے آپ سے باتیں کیں
ہر پہچل پر آئینے میں دیکھا تھا
شام ڈھلے آہٹ کی کرنیں پھوٹی تھیں
سورج ڈوب کے میرے گھر میں نکلا تھا
Jaan dena bas ek ziyan ka sauda tha
Jaan dena bas ek ziyan ka sauda tha
Raah-e-talab mein kis ko yeh andaaza tha
Aankhon mein deedar ka kajal dala tha
Aanchal pe umeed ka taara tanka tha
Haathon ki baankin chhan chhan chhan hansti thin
Pairon ki jhanjhan ko ghussa aata tha
Hawa sukhi thi meri, rut hamjoli thi
Hum teeno ne mil kar kya kya socha tha
Har kone mein apne aap se baatein kin
Har pehchal par aaine mein dekha tha
Shaam dhale aahat ki kirnein phooti thin
Suraj doob ke mere ghar mein nikla tha
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں