رات عجب آسیب زدہ سا موسم تھا — زہرا نگاہ
شاعر
رات عجب آسیب زدہ سا موسم تھا
رات عجب آسیب زدہ سا موسم تھا
اپنا ہونا اور نہ ہونا مبہم تھا
ایک گل تنہائی تھا جو ہمدم تھا
خار و غبار کا سرمایہ بھی کم کم تھا
آنکھ سے کٹ کٹ جاتے تھے سارے منظر
رات سے رنگ دیدۂ حیراں برہم تھا
جس عالم کو ہو کا عالم کہتے ہیں
وہ عالم تھا اور وہ عالم پیہم تھا
خار خمیدہ سر تھے بگولے بے آواز
صحرا میں بھی آج کسی کا ماتم تھا
روشنیاں اطراف میں زہراؔ روشن تھیں
آئینے میں عکس ہی تیرا مدھم تھا
Raat ajab aaseb-zada sa mausam tha
Raat ajab aaseb-zada sa mausam tha
Apna hona aur na hona mubham tha
Ek gul-e-tanhai tha jo hamdam tha
Khaar-o-ghubaar ka sarmaya bhi kam kam tha
Aankh se kaṭ kaṭ jaate the saare manzar
Raat se rang-e-deeda-e-hairan barham tha
Jis aalam ko 'hoo' ka aalam kehte hain
Woh aalam tha aur woh aalam paiham tha
Khaar khameeda sar the bagole be-aawaz
Sehra mein bhi aaj kisi ka maatam tha
Roshniyan atraaf mein Zahra roshan thin
Aaine mein aks hi tera madham tha
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں