رستے سے محافظ کا خطرہ جو نکل جاتا — زہرا نگاہ
شاعر
رستے سے محافظ کا خطرہ جو نکل جاتا
رستے سے محافظ کا خطرہ جو نکل جاتا
منزل پہ بھی آ جاتے نقشہ بھی بدل جاتا
اس جھوٹ کی دلدل سے باہر بھی نکل آتے
دنیا میں بھی سر اٹھتا اور گھر بھی سنبھل جاتا
ہنستے ہوئے بوڑھوں کو قصے کئی یاد آتے
روتے ہوئے بچوں کا رونا بھی بہل جاتا
کیوں اپنے پہاڑوں کے سینوں کو جلاتے ہم
خطرہ تو محبت کے اک پھول سے ٹل جاتا
اس شہر کو راس آئی ہم جیسوں کی گم نامی
ہم نام بتاتے تو یہ شہر بھی جل جاتا
وہ ساتھ نہ دیتا تو وہ داد نہ دیتا تو
یہ لکھنے لکھانے کا جو بھی ہے خلل جاتا
Raste se muhafiz ka khatra jo nikal jaata
Raste se muhafiz ka khatra jo nikal jaata
Manzil pe bhi aa jaate naqsha bhi badal jaata
Is jhoot ki daldal se bahar bhi nikal aate
Dunya mein bhi sar uthta aur ghar bhi sambhal jaata
Hanste hue boorhonn ko qisse kayi yaad aate
Rote hue bachhon ka rona bhi behal jaata
Kyun apne paharon ke seenon ko jalate hum
Khatra to mohabbat ke ek phool se tal jaata
Is shahar ko raas aayi hum jaison ki gumnaami
Ham naam batate to yeh shahar bhi jal jaata
Woh saath na deta to woh daad na deta to
Yeh likhne likhane ka jo bhi hai khalal jaata
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں