صورت دل کشی رہی خواہش زندگی رہی — زہرا نگاہ
شاعر
صورت دل کشی رہی خواہش زندگی رہی
صورت دل کشی رہی خواہش زندگی رہی
داغ دل خراب سے رات میں روشنی رہی
تیرے سبھی کلاہ پوش کوہ غرور سے گرے
اپنی تو ترک سر کے بعد عشق میں برتری رہی
ساتویں آسمان تک شعلۂ علم و عقل تھا
پھر بھی زمین اہل دل کیسی ہری بھری رہی
آپ ہوا ہے مندمل گل نے بہار کی نہیں
شہرت دست چارہ گر زخم ہی ڈھونڈھتی رہی
کہتے ہیں ہر ادب میں ہے ایک صدائے بازگشت
میرؔ کے حسن شعر سے میری غزل سجی رہی
Soorat dilkashi rahi, khwahish-e-zindagi rahi
Soorat dilkashi rahi, khwahish-e-zindagi rahi
Daagh-e-dil-e-kharaab se raat mein roshni rahi
Tere sabhi kulah-posh koh-e-ghuroor se gire
Apni toh tark-e-sar ke baad ishq mein bartari rahi
Saatvein aasmaan tak shola-e-ilm-o-aql tha
Phir bhi zameen-e-ahl-e-dil kaisi hari bhari rahi
Aap hua hai mundamil gul ne bahaar ki nahin
Shauhrat-e-dast-e-charah-gar zakhm hi dhoondhti rahi
Kehte hain har adab mein hai ek sada-e-bazgasht
Meer ke husn-e-sher se meri ghazal saji rahi
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں