وحشت میں بھی منت کش صحرا نہیں ہوتے — زہرا نگاہ
شاعر
وحشت میں بھی منت کش صحرا نہیں ہوتے
وحشت میں بھی منت کش صحرا نہیں ہوتے
کچھ لوگ بکھر کر بھی تماشا نہیں ہوتے
جاں دیتے ہیں جاں دینے کا سودا نہیں کرتے
شرمندۂ اعجاز مسیحا نہیں ہوتے
ہم خاک تھے پر جب اسے دیکھا تو بہت روئے
سنتے تھے کہ صحراؤں میں دریا نہیں ہوتے
اک تار گریباں کا رہے دھیان کہ سب لوگ
محفل میں تو ہوتے ہیں شناسا نہیں ہوتے
Wahshat mein bhi minnat kash-e-sahra nahin hote
Wahshat mein bhi minnat kash-e-sahra nahin hote
Kuchh log bikhar kar bhi tamasha nahin hote
Jaan dete hain jaan dene ka sauda nahin karte
Sharminda-e-ejaz-e-maseeha nahin hote
Ham khaak the par jab use dekha to bahut roye
Sunte the ke sahra'on mein darya nahin hote
Ik taar-e-garebaan ka rahe dhyaan ke sab log
Mehfil mein to hote hi hain shanaasa nahin hote
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں