یہ کیا ستم ہے کوئی رنگ و بو نہ پہچانے — زہرا نگاہ
شاعر
یہ کیا ستم ہے کوئی رنگ و بو نہ پہچانے
یہ کیا ستم ہے کوئی رنگ و بو نہ پہچانے
بہار میں بھی رہے بند تیرے مے خانے
فنا کے زمزمے رنج و محن کے افسانے
یہی ملے ہیں نئی زندگی کو نذرانے
تری نگاہ کی جنبش میں اب بھی شامل ہیں
مری حیات کے کچھ مختصر سے افسانے
جو سن سکو تو یہ سب داستاں تمہاری ہے
ہزار بار جتایا مگر نہیں مانے
جو کر گئے ہیں جدا ایک ایک سے ہم کو
دیار غرب سے آئے تھے چند بیگانے
Ye kya sitam hai koi rang-o-boo na pehchaane
Ye kya sitam hai koi rang-o-boo na pehchaane
Bahar mein bhi rahe band tere maikhaane
Fanā ke zamzame, ranj-o-mehan ke afsaane
Yehi mile hain nayi zindagi ko nazraane
Teri nigāh ki jumbish mein ab bhi shāmil hain
Meri hayāt ke kuchh mukhtasar se afsaane
Jo sun sako to ye sab dāstān tumhāri hai
Hazār baar jatāya magar nahin maane
Jo kar gaye hain judā ek ek se hum ko
Diyār-e-gharb se aaye the chand begaane
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں