یہ حکم ہے کہ اندھیرے کو روشنی سمجھو — زہرا نگاہ
شاعر
یہ حکم ہے کہ اندھیرے کو روشنی سمجھو
یہ حکم ہے کہ اندھیرے کو روشنی سمجھو
ملے نشیب تو کوہ و دمن کی بات کرو
نہیں ہے مے نہ سہی چشم التفات تو ہے
نئی ہے بزم طریق کہن کی بات کرو
فریب خوردۂ منزل ہیں ہم کو کیا معلوم
بہ طرز راہبری راہزن کی بات کرو
خزاں نے آ کے کہا میرے غم سے کیا حاصل
جہاں بہار لٹی اس چمن کی بات کرو
قدم قدم پہ فروزاں ہیں آنسوؤں کے چراغ
انہیں بجھاؤ تو صبح وطن کی بات کرو
بہار آئے تو چپ چاپ ہی گزر جائے
نہ رنگ و بو کی نہ سرو و سمن کی بات کرو
Yeh hukm hai ke andhere ko roshni samjho
Yeh hukm hai ke andhere ko roshni samjho
Mile nasheb to koh-o-daman ki baat karo
Nahin hai mai na sahi chashm-e-iltifaat to hai
Nayi hai bazm tareeq-e-kuhan ki baat karo
Faraib khurda manzil hain hum ko kya maloom
Ba tarz-e-rahbari rahzan ki baat karo
Khizan ne aa ke kaha mere gham se kya hasil
Jahan bahaar luti us chaman ki baat karo
Qadam qadam pe firozan hain aansu'on ke chiragh
Inhein bujhaao to subh-e-watan ki baat karo
Bahaar aaye to chup chaap hi guzar jaaye
Na rang-o-boo ki na sarv-o-saman ki baat karo
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں