یہ اداسی یہ پھیلتے سائے — زہرا نگاہ
شاعر
یہ اداسی یہ پھیلتے سائے
یہ اداسی یہ پھیلتے سائے
ہم تجھے یاد کر کے پچھتائے
مل گیا تھا سکوں نگاہوں کو
کی تمنا تو اشک بھر آئے
گل ہی اکتا گئے ہیں گلشن سے
باغباں سے کہو نہ گھبرائے
ہم جو پہنچے تو رہ گزر ہی نہ تھی
تم جو آئے تو منزلیں لائے
جو زمانے کا ساتھ دے نہ سکے
وہ ترے آستاں سے لوٹ آئے
بس وہی تھے متاع دیدہ و دل
جتنے آنسو مژہ تلک آئے
Yeh udasi yeh phailte saaye
Yeh udasi yeh phailte saaye
Hum tujhe yaad kar kar ke pachtaye
Mil gaya tha sukoon nigaahon ko
Ki tamanna to ashk bhar aaye
Gul hi ukta gaye hain gulshan se
Baaghbaan se kaho na ghabraye
Hum jo pahunche to rehguzar hi na thi
Tum jo aaye to manzilen laaye
Jo zamane ka saath de na sake
Woh tere aastaan se laut aaye
Bas wahi the mata-e-deeda-o-dil
Jitne aansoo mizha talak aaye
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں