یوں کہنے کو پیرایۂ اظہار بہت ہے — زہرا نگاہ
شاعر
یوں کہنے کو پیرایۂ اظہار بہت ہے
یوں کہنے کو پیرایۂ اظہار بہت ہے
یہ دل دل ناداں سہی خوددار بہت ہے
دیوانوں کو اب وسعت صحرا نہیں درکار
وحشت کے لیے سایۂ دیوار بہت ہے
بجتا ہے گلی کوچوں میں نقارۂ الزام
ملزم کہ خموشی کا وفادار بہت ہے
جب حسن تکلم پہ کڑا وقت پڑے تو
اور کچھ بھی نہ باقی ہو تو تکرار بہت ہے
خود آئینہ گر آئینہ چھوڑے تو نظر آئے
دہکا ہوا ہر شعلۂ رخسار بہت ہے
منصف کے لیے اذن سماعت پہ ہیں پہرے
اور عدل کی زنجیر میں جھنکار بہت ہے
Yoon kehne ko pairaaya-e-izhaar bahut hai
Yoon kehne ko pairaaya-e-izhaar bahut hai
Ye dil-e-naadaan sahi khuddār bahut hai
Deewanon ko ab wus'at-e-sahra nahin darkaar
Wahshat ke liye saaya-e-deewar bahut hai
Bajta hai gali koochon mein naqārah-e-ilzām
Mulzim ke khamoshi ka wafādār bahut hai
Jab husn-e-takallum pe kaRa waqt paRe to
Aur kuchh bhi na baqi ho to takraar bahut hai
Khud aaina-gar aaina chhoRe to nazar aaye
Dahka hua har shola-e-rukhsaar bahut hai
Munsif ke liye izn-e-samā'at pe hain pehre
Aur adl ki zanjeer mein jhankaar bahut hai
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں