ڈرا کے موج و تلاطم سے ہم نشینوں کو — آواز: ملک | شاعر: مجروح سلطانپوری
مقرر / سپیکر
ڈرا کے موج و تلاطم سے ہم نشینوں کو
ڈرا کے موج و تلاطم سے ہم نشینوں کو
یہی تو ہیں جو ڈبویا کئے سفینوں کو
شراب ہو ہی گئی ہے بقدر پیمانہ
بہ عزم ترک نچوڑا جب آستینوں کو
جمال صبح دیا روئے نو بہار دیا
مری نگاہ بھی دیتا خدا حسینوں کو
ہماری راہ میں آئے ہزار مے خانے
بھلا سکے نہ مگر ہوش کے قرینوں کو
کبھی نظر بھی اٹھائی نہ سوئے بادۂ ناب
کبھی چڑھا گئے پگھلا کے آبگینوں کو
یہی جہاں ہے جہنم یہی جہاں فردوس
بتاؤ عالم بالا کے سیربینوں کو
ہوئے ہیں قافلے ظلمت کی وادیوں میں رواں
چراغ راہ کئے خوں چکاں جبینوں کو
تجھے نہ مانے کوئی تجھ کو اس سے کیا مجروحؔ
چل اپنی راہ بھٹکنے دے نکتہ چینوں کو
شاعر: مجروح سلطانپوری
آواز: ملک
Dara ke mauj-o-talatum se hamnasheenon ko
Dara ke mauj-o-talatum se hamnasheenon ko
Yahi to hain jo duboya kiye safeenon ko
Sharab ho hi gayi hai ba-qadr-e-paimana
Ba-azm-e-tark nichoda jab aasteenon ko
Jamal-e-subh diya, roye nau-bahar diya
Meri nigah bhi deta Khuda haseenon ko
Hamari raah mein aaye hazaar mai-khane
Bhula sake na magar hosh ke qareenon ko
Kabhi nazar bhi uthayi na sooye baada-e-naab
Kabhi chadha gaye pighla ke aabgeenon ko
Yahi jahan hai jahannum, yahi jahan firdous
Batao aalam-e-baala ke sairbeenon ko
Hue hain qaafle zulmat ki waadiyon mein rawaan
Charagh-e-raah kiye khoon-chakaan jabeenon ko
Tujhe na maane koi, tujh ko us se kya Majrooh!
Chal apni raah bhatakne de nukta-cheenon ko