رخنوں میں اپنی راکھ کے ریزے سمو دئے — آواز: ملک | شاعر: سعید شارق
مقرر / سپیکر
رخنوں میں اپنی راکھ کے ریزے سمو دئے
رخنوں میں اپنی راکھ کے ریزے سمو دئے
میں نے بھی کتنے دکھ در و دیوار کو دئے
چہروں کی بھیڑ کاٹتی گزری مری نگاہ
اور آتے آتے اس کے خد و خال کھو دئے
پھر بھی میں تیری یاد نہ کر پایا زیب تن
ہر چند اس قبا کے سبھی داغ دھو دئے
ٹوٹا پڑا تھا نیند کا دھاگا مری طرح
سو میں نے اس میں خواب کے موتی پرو دئے
اپنا بھی غم منایا ترے غم کے ساتھ ساتھ
اک طاق میں جلانا پڑے مجھ کو دو دئے
پل بھر کو روشنی سی نظر آئی تھی کہ پھر
اک شب نے میری آنکھوں میں ناخن کھبو دئے
شاعر: سعید شارق
آواز: ملک
Rakhnon mein apni raakh ke reze samo diye
Rakhnon mein apni raakh ke reze samo diye
Main ne bhi kitne dukh dar o divar ko diye
Chehron ki bheerh kaat-ti guzri miri nigah
Aur aate aate us ke khud o khaal kho diye
Phir bhi main teri yaad na kar paya zeb tan
Har chand us qaba ke sabhi daagh dho diye
Toota pada tha neend ka dhaaga miri tarah
So main ne us mein khwab ke moti piro diye
Apna bhi gham manaya tere gham ke saath saath
Ek taaq mein jalana pade mujh ko do diye
Pal bhar ko roshni si nazar aai thi ki phir
Ek shab ne meri aankhon mein naakhun khabo diye