خرد کے دام میں جو آ گئے ہیں — آواز: ملک | شاعر: عبدالحمیدعدم
مقرر / سپیکر
خرد کے دام میں جو آ گئے ہیں
خرد کے دام میں جو آ گئے ہیں
وہ دانش مند دھوکا کھا گئے ہیں
ابھی تو فصل گل کی ابتدا تھی
ابھی سے پھول کیوں مرجھا گئے ہیں
کچھ ایسے آپ نے پھیری ہیں آنکھیں
زمانے کے ستم شرما گئے ہیں
تری آنکھوں کی فرمائش پہ انساں
فریب زندگی بھی کھا گئے ہیں
عدمؔ سے زندگی روٹھی ہوئی تھی
خدا کا شکر ہے آپ آ گئے ہیں
شاعر: عبدالحمیدعدم
آواز: ملک
KHirad ke dām mein jo ā ga'e hain
KHirad ke dām mein jo ā ga'e hain
Woh dānishmand dhokā khā ga'e hain
Abhī to fasl-e-gul kī ibtidā thī
Abhī se phool kyon murjhā ga'e hain
Kuchh aise āp ne pherī hain āñkhen
Zamāne ke sitam sharmā ga'e hain
Terī āñkhon kī farmā'ish pe insān
Fareb-e-zindagī bhī khā ga'e hain
'Adam' se zindagī rooThī huī thī
KHudā kā shukr hai āp ā ga'e hain