میری طرح رات کو غزلیں کہا کرو — آواز: ملک | شاعر: محسن زیدی
مقرر / سپیکر
میری طرح رات کو غزلیں کہا کرو
میری طرح رات کو غزلیں کہا کرو
تنہائیوں میں آپ سے باتیں کیا کرو
جتنا بھی دل ہو چاک سویرے سے شام تک
تار ِنفس سے رات گۓ سی لیا کرو
دیوار و در کے بیچ ہی گُھٹ گُھٹ کے رہ نہ جاؤ
گھر سے نکل کے دشت میں گھوما پھرا کرو
کیا جا کے پتھروں کو سناؤ گے اپنی بات
جو بات بھی ہو خود سے ہی کہہ سن لیا کرو
بے چہرگی کے دشت میں پہچان کیا بتاؤں
جیسے ملے ہوا سے ہوا،آ ملا کرو
یا پھینک دو اتار کے شیشے کا پیرہن
یا پتھروں سے سوچ سمجھ کے ملا کرو
محسنؔ کبھی جو لفظوں سے اڑنے لگیں شرار
کچھ شعلہء خیال کو نم کر لیا کرو
شاعر: محسن زیدی
آواز: ملک
Meri tarah raat ko ghazlen kaha karo
Meri tarah raat ko ghazlen kaha karo
Tanhaaiyon mein aap se baaten kiya karo
Jitna bhi dil ho chaak sawere se shaam tak
Taar-e-nafas se raat gahe si liya karo
Deewaar-o-dar ke beech hi ghuṭ-ghuṭ ke reh na jaao
Ghar se nikal ke dasht mein ghooma phira karo
Kya jaa ke pattharon ko sunaao ge apni baat
Jo baat bhi ho khud se hi keh sun liya karo
Be-chehragi ke dasht mein pehchaan kya bataaun
Jaise mile hawa se hawa, aa mila karo
Ya phenk do utaar ke sheeshe ka pairahan
Ya pattharon se soch samajh ke mila karo
Mohsin! kabhi jo lafzon se uṛne lagen sharaar
Kuch shola-e-khayaal ko nam kar liya karo