سو بار یوں گرجنے کو بادل گرج گیا — آواز: ملک | شاعر: کیف احمد صدیقی
مقرر / سپیکر
سو بار یوں گرجنے کو بادل گرج گیا
سو بار یوں گرجنے کو بادل گرج گیا
لیکن زمین خشک کو کچھ بھی نہ تج گیا
گھر جا کے موتیوں کی طرح جگمگا اٹھی
میں اپنے ساتھ لے کے جو دریا کی رج گیا
ہر تاجور کی تاجوری زیر خاک ہے
لیکن ابھی کلاہ انا کا نہ کج گیا
جب بھی ترے خیال کی خوشبو مہک اٹھی
کمرہ سہاگ رات کے پھولوں سے سج گیا
دو مہر و ماہ ایک ہی قالب میں ڈھل گئے
اکثر شب وصال کا جب ایک بج گیا
زاہد میں آج تک نہ حرم تک گیا مگر
کوئے صنم میں روز ہی کرنے کو حج گیا
برسوں سے فن کی کشت تھی بنجر پڑی ہوئی
اے کیفؔ تیرے خون سے کیا کیا اپج گیا
شاعر: کیف احمد صدیقی
آواز: ملک
Sau baar yoon garajne ko baadal garaj gaya
Sau baar yoon garajne ko baadal garaj gaya
Lekin zameen khushk ko kuch bhi na taj gaya
Ghar ja ke motiyon ki tarah jagmaga uthi
main apne saath le ke jo darya ki raj gaya
Har tajwar ki tajwari zer-e-khaak hai
lekin abhi kulah-e-ana ka na kaj gaya
Jab bhi tere khayal ki khushboo mehak uthi
kamra suhaag raat ke phoolon se saj gaya
Do mehr-o-maah ek hi qaalib mein dhal gaye
aksar shab-e-wisaal ka jab ek baj gaya
Zaahid main aaj tak na Haram tak gaya magar
kuye sanam mein roz hi karne ko Hajj gaya
Barson se fun ki kisht thi banjar padi hui
Ae Kaif! tere khoon se kya kya upaj gaya