برسوں کے بعد ديکھا اک شخص دلرُبا سا
برسوں کے بعد ديکھا اک شخص دلرُبا سا اب ذہن ميں نہيں ہے پر نام تھا بھلا سا ابرو کھنچے کھنچے سے آنکھيں جھکی جھکی سی باتيں رکی رکی سی لہجہ تھکا تھکا سا الفاظ تھے کہ جگنو آواز کے سفر ميں تھے بن جائے جنگلوں ميں جس طرح راستہ سا خوابوں ميں خواب اُسکے يادوں ميں ياد اُسکی نيندوں ميں گھل گيا ہو جيسے رَتجگا سا پہلے بھی لوگ آئے کتنے ہی زندگی ميں وہ ہر طرح سے ليکن اوروں سے تھا جدا سا اگلی محبتوں نے وہ نا مرادياں ديں تازہ رفاقتوں سے دل تھا ڈرا ڈرا سا کچھ يہ کہ مدتوں سے ہم بھی نہيں تھے روئے کچھ زہر ميں بُجھا تھا احباب کا دلاسا پھر يوں ہوا کے ساون آنکھوں ميں آ بسے تھے پھر يوں ہوا کہ جيسے دل بھی تھا آبلہ سا اب سچ کہيں تو يارو ہم کو خبر نہيں تھی بن جائے گا قيامت اک واقع ذرا سا تيور تھے بے رُخی کے انداز دوستی کے وہ اجنبی تھا ليکن لگتا تھا آشنا سا ہم دشت تھے کہ دريا ہم زہر تھے کہ امرت ناحق تھا زعم ہم کو جب وہ نہيں تھا پياسا ہم نے بھی اُس کو ديکھا کل شام اتفاقا اپنا بھی حال ہے اب لوگو فراز کا سا
English rendering
Barsoñ ke ba'ad dekhā ik shakhs dilrubā sā Ab zehn mein nahīñ hai par nām thā bhalā sā Abroo khinche khinche se āñkheñ jhukī jhukī sī Bāteñ rukī rukī sī lahja thakā thakā sā Alfāz the ki jugnū āwāz ke safar mein the Ban jāe jangalooñ mein jis tarah rāsta sā Khwāboñ mein khwāb uske yādoñ mein yaad uskī Nīndoñ mein ghul gayā ho jaise ratjagā sā Pehle bhī log āye kitne hī zindagī mein Vah har tarah se lekin auroñ se thā judā sā Aglī muhabbatoñ ne vah nā-murādiyāñ dīñ Tāza rafāqatoñ se dil thā ḍarā ḍarā sā Kuchh ye ki mudattoñ se ham bhī nahīñ the roye Kuchh zehr mein bujhā thā ahbāb kā dilāsa Phir yūñ huā ke sāvan āñkhoñ mein ā base the Phir yūñ huā ki jaise dil bhī thā ābla sā Ab sach kaheñ to yāro ham ko khabar nahīñ thī Ban jāe gā qayāmat ik wāqe'a zarā sā Tewar the be-ruḳhī ke andāz dostī ke Vah ajnabī thā lekin lagtā thā āshnā sā Ham dasht the ki daryā ham zehr the ki amrit Nā-haq thā za'm ham ko jab vah nahīñ thā pyāsā Ham ne bhī us ko dekhā kal shām ittifāqan Apnā bhī hāl hai ab logo Farāz kā sā