دست سموم دست صبا کیوں نہیں ہوا — احمد مشتاق
شاعر
دست سموم دست صبا کیوں نہیں ہوا
دست سموم دست صبا کیوں نہیں ہوا
در موسم بہار کا وا کیوں نہیں ہوا
ظالم تھے ورائے حساب و کتاب کیا
ان پر نزول قہر خدا کیوں نہیں ہوا
ان کے سروں پہ کیوں نہیں ٹوٹیں قیامتیں
ان کے گھروں میں حشر بپا کیوں نہیں ہوا
گونجی نہ کیوں فلک سے کوئی آیت غضب
یہ گنبد سکوت صدا کیوں نہیں ہوا
دل میں ہیں کس امید کے پنجے گڑے ہوئے
یہ ماس ناخنوں سے جدا کیوں نہیں ہوا
احمد مشتاق
Dast-e-samoom dast-e-saba kyun nahin hua
Dast-e-samoom dast-e-saba kyun nahin hua
Dar mausam-e-bahar ka wa kyun nahin hua
Zalim thhe wara-e-hisab-o-kitab kya
Un par nazool-e-qehr-e-khuda kyun nahin hua
Un ke saron pe kyun nahin tootein qiyamatein
Un ke gharon mein hashr bapa kyun nahin hua
Goonji na kyun falak se koi aayat-e-ghazab
Yeh gumbad-e-sukoot-e-sada kyun nahin hua
Dil mein hain kis ummeed ke panje gaṛe hue
Yeh mass nakhunon se juda kyun nahin hua
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد ازاں امریکا منتقل ہوگئے اور طویل عرصے سے وہیں سکونت پذیر ہیں۔ احمد مشتاق کا شمار اردو کے ان ممتاز جدید شعرا میں ہوتا ہے جنہوں نے ناصر کاظمی، منیر نیازی، جون ایلیا اور احمد فراز جیسے اہم شعرا کے عہد م...
مکمل تعارف پڑھیں