مجھے تلاش کرو
شجر سے ٹوٹ کے جب میں گرا کہاں پہ گرا مجھے تلاش کرو جن آندھیوں نے مری سر زمیں ادھیڑی تھی وہ آج مولد عیسیٰ میں گرد اڑاتی ہیں جو ہو سکے تو انہی سے مرا پتہ پوچھو مجھے تلاش کرو چلی جو مشرق و مغرب سے تند و تیز ہوا مرے شجر نے مجھے پیار سے سمیٹ لیا مجھے لپیٹ لیا اپنی کتنی باہوں میں یہ بے لحاظ عناصر مگر بضد ہی رہے میں برگ سبز گرا برگ زرد کی مانند اسی سلگتی ہوئی راکھ سی پتاور میں جو بچھ رہی ہے افق سے افق کے پار تلک مجھے تلاش کرو شجر سے کٹ کے زباں کٹ گئی نہ ہو میری میں چیختا ہوں مگر حرف ناشنیدہ ہوں حیات تازہ ہے میری شجر سے میرا ملاپ کہ بس وہی مری بالیدگی کا منبع ہے جو ریگزار میں چھتنار دیکھنے ہیں تمہیں مجھے تلاش کرو فلک کے راز تو کھلتے رہیں گے ہم نفسو مرے وجود کا بھی اب تو راز فاش کرو مجھے تلاش کرو
English rendering
Shajar se toot ke jab main gira kahan pe gira Mujhe talash karo Jin aandhiyon ne meri sar-zameen udedi thi Woh aaj mawlid-e-Isa mein gard udaati hain Jo ho sake to unhi se mera pata poocho Mujhe talash karo Chali jo mashriq-o-maghrib se tund-o-tez hawa Mere shajar ne mujhe pyar se samet liya Mujhe lapet liya apni kitni baahon mein Yeh be-lihaz anasir magar ba-zid hi rahe Main barg-e-sabz gira barg-e-zard ki manind Isi sulagti hui raakh si patawar mein Jo bichh rahi hai ufaq se ufaq ke paar talak Mujhe talash karo Shajar se kat ke zaban kat gayi na ho meri Main cheekhta hoon magar harf-e-nashunida hoon Hayat-e-taza hai meri shajar se mera milap Ke bas wohi meri baalidgi ka manba' hai Jo reegzar mein chhatnawar dekhne hain tumhein Mujhe talash karo Falak ke raaz to khulte rahenge ham-nafso Mere wajood ka bhi ab to raaz faash karo Mujhe talash karo