آہ جو دل سے نکالی جائے گی — اکبر اللہ آبادی
شاعر
آہ جو دل سے نکالی جائے گی
آہ جو دل سے نکالی جائے گی
کیا سمجھتے ہو کہ خالی جائے گی
اس نزاکت پر یہ شمشیر جفا
آپ سے کیوں کر سنبھالی جائے گی
کیا غم دنیا کا ڈر مجھ رند کو
اور اک بوتل چڑھا لی جائے گی
شیخ کی دعوت میں مے کا کام کیا
احتیاطاً کچھ منگا لی جائے گی
یاد ابرو میں ہے اکبرؔ محو یوں
کب تری یہ کج خیالی جائے گی
Aah jo dil se nikali jaegi
Aah jo dil se nikali jaegi
Kya samajhte ho ke khali jaegi
Is nazakat par ye shamshir-e-jafa
Aap se kyun kar sambhali jaegi
Kya gham-e-duniya ka dar mujh rind ko
Aur ek botal chadha li jaegi
Shaikh ki dawat mein may ka kaam kya
Ehtiyatan kuch mangali jaegi
Yaad-e-abroo mein hai Akbarؔ mahv yun
Kab teri ye kaj-khayali jaegi
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں