بوسۂ زُلفِ سِیاہ فام مِلے گا کہ نہیں — اکبر اللہ آبادی
شاعر
بوسۂ زُلفِ سِیاہ فام مِلے گا کہ نہیں
بَوسۂ زُلفِ سِیاہ فام مِلے گا کہ نہیں
دِل کا سودا ہے، مُجھے دام مِلے گا کہ نہیں
خط میں کیا لکِھّا ہے، قاصد کو خبر کیا اِس کی
پُوچھتا ہے، مُجھے اِنعام مِلے گا کہ نہیں
مَیں تِری مست نَظر کا ہُوں دُعاگو، ساقی
صدقہ آنکھوں کا کوئی جام مِلے گا کہ نہیں
قبر پر فاتحہ پڑھنے کو نہ آئیں گے وہ کیا
جان دینے کا کُچھ اِنعام مِلے گا کہ نہیں
بُو کِسی سمت سے آتی نہیں ہمدردی کی
مُجھ کو، مُجھ سا کوئی ناکام مِلے گا کہ نہیں
جُستجُو ہی میں وہ لذّت ہے کہ، اللہ اللہ
کیوں مَیں پُوچُھوں، وہ دِلآرام مِلے گا کہ نہیں
آرزُو مرگ کی تم کرتے ہو اکبرؔ، لیکن!
سوچ لَو، قبر میں آرام مِلے گا کہ نہیں
Bosa zulf-e-siyah faam milega ke nahin
Bosa zulf-e-siyah faam milega ke nahin
Dil ka sauda hai, mujhe daam milega ke nahin
Khat mein kya likha hai, qasid ko khabar kya is ki
Poochhta hai, mujhe inaam milega ke nahin
Main teri mast nazar ka hun duago, saaqi
Sadqa aankhon ka koi jaam milega ke nahin
Qabr par fatiha parhne ko na aayenge woh kya
Jaan dene ka kuch inaam milega ke nahin
Boo kisi simt se aati nahin hamdardi ki
Mujh ko, mujh sa koi nakaam milega ke nahin
Justuju hi mein woh lazzat hai ke, Allah Allah
Kyun main poochhun, woh dil-aram milega ke nahin
Aarzoo marg ki tum karte ho Akbar, lekin!
Soch lo, qabr mein aaram milega ke nahin
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں