طریق عشق میں مجھ کو کوئی کامل نہیں ملتا — اکبر اللہ آبادی
شاعر
طریق عشق میں مجھ کو کوئی کامل نہیں ملتا
طریق عشق میں مجھ کو کوئی کامل نہیں ملتا
گئے فرہاد و مجنوں اب کسی سے دل نہیں ملتا
بھری ہے انجمن لیکن کسی سے دل نہیں ملتا
ہمیں میں آ گیا کچھ نقص یا کامل نہیں ملتا
پرانی روشنی میں اور نئی میں فرق اتنا ہے
اسے کشتی نہیں ملتی اسے ساحل نہیں ملتا
پہنچنا داد کو مظلوم کا مشکل ہی ہوتا ہے
کبھی قاضی نہیں ملتے کبھی قاتل نہیں ملتا
حریفوں پر خزانے ہیں کھلے یاں ہجر گیسو ہے
وہاں پہ بل ہے اور یاں سانپ کا بھی بل نہیں ملتا
یہ حسن و عشق ہی کا کام ہے شبہ کریں کس پر
مزاج ان کا نہیں ملتا ہمارا دل نہیں ملتا
چھپا ہے سینہ و رخ دل ستاں ہاتھوں سے کروٹ میں
مجھے سوتے میں بھی وہ حسن سے غافل نہیں ملتا
حواس و ہوش گم ہیں بحر عرفان الٰہی میں
یہی دریا ہے جس میں موج کو ساحل نہیں ملتا
کتاب دل مجھے کافی ہے اکبرؔ درس حکمت کو
میں اسپنسر سے مستغنی ہوں مجھ سے مل نہیں ملتا
Tareeq-e-ishq mein mujh ko koi kamil nahin milta
Tareeq-e-ishq mein mujh ko koi kamil nahin milta
Gaye Farhad o Majnun ab kisi se dil nahin milta
Bhari hai anjuman lekin kisi se dil nahin milta
Humein mein aa gaya kuch nuqs ya kamil nahin milta
Purani roshni mein aur nayi mein farq itna hai
Use kashti nahin milti use saahil nahin milta
Pahuchna daad ko mazloom ka mushkil hi hota hai
Kabhi qaazi nahin milte kabhi qaatil nahin milta
Hareefon par khazane hain khule yaan hijr-e-gesu hai
Wahan pe bal hai aur yaan saamp ka bhi bil nahin milta
Yeh husn o ishq hi ka kaam hai shubha karein kis par
Mizaj un ka nahin milta hamara dil nahin milta
Chhupa hai seena o rukh dil-sitaan haathon se karwat mein
Mujhe sote mein bhi woh husn se ghafil nahin milta
Hawas o hosh gum hain bahr-e-irfaan-e-ilaahi mein
Yahi darya hai jis mein mauj ko saahil nahin milta
Kitaab-e-dil mujhe kaafi hai Akbar! dars-e-hikmat ko
Main Spencer se mustaghni hoon mujh se mil nahin milta
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں