اپنی گرہ سے کچھ نہ مجھے آپ دیجئے — اکبر اللہ آبادی
شاعر
اپنی گرہ سے کچھ نہ مجھے آپ دیجئے
اپنی گرہ سے کچھ نہ مجھے آپ دیجئے
اخبار میں تو نام مرا چھاپ دیجئے
دیکھو جسے وہ پانیر آفس میں ہے ڈٹا
بہر خدا مجھے بھی کہیں چھاپ دیجئے
چشم جہاں سے حالت اصلی چھپی نہیں
اخبار میں جو چاہئے وہ چھاپ دیجئے
دعویٰ بہت بڑا ہے ریاضی میں آپ کو
طول شب فراق کو تو ناپ دیجئے
سنتے نہیں ہیں شیخ نئی روشنی کی بات
انجن کی ان کے کان میں اب بھاپ دیجئے
اس بت کے در پہ غیر سے اکبرؔ نے کہہ دیا
زر ہی میں دینے لایا ہوں جان آپ دیجئے
Apni girah se kuch na mujhe aap deejiye
Apni girah se kuch na mujhe aap deejiye
Akhbar mein to naam mera chhaap deejiye
Dekho jise woh 'Pioneer' office mein hai data
Bahar-e-khuda mujhe bhi kahin chhaap deejiye
Chashm-e-jahaan se haalat-e-asli chhupi nahin
Akhbar mein jo chahiye woh chhaap deejiye
Da'wa bahut bada hai riyaazi mein aap ko
Tool-e-shab-e-firaq ko to naap deejiye
Sunte nahin hain shaikh nai roshni ki baat
Engine ki un ke kaan mein ab bhaap deejiye
Is but ke dar pe ghair se Akbaar ne keh diya
Zar hi mein dene laaya hun jaan aap deejiye
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں