بہت رہا ہے کبھی لطف یار ہم پر بھی — اکبر اللہ آبادی
شاعر
بہت رہا ہے کبھی لطف یار ہم پر بھی
بہت رہا ہے کبھی لطف یار ہم پر بھی
گزر چکی ہے یہ فصل بہار ہم پر بھی
عروس دہر کو آیا تھا پیار ہم پر بھی
یہ بیسوا تھی کسی شب نثار ہم پر بھی
بٹھا چکا ہے زمانہ ہمیں بھی مسند پر
ہوا کیے ہیں جواہر نثار ہم پر بھی
عدو کو بھی جو بنایا ہے تم نے محرم راز
تو فخر کیا جو ہوا اعتبار ہم پر بھی
خطا کسی کی ہو لیکن کھلی جو ان کی زباں
تو ہو ہی جاتے ہیں دو ایک وار ہم پر بھی
ہم ایسے رند مگر یہ زمانہ ہے وہ غضب
کہ ڈال ہی دیا دنیا کا بار ہم پر بھی
ہمیں بھی آتش الفت جلا چکی اکبرؔ
حرام ہو گئی دوزخ کی نار ہم پر بھی
Bahut raha hai kabhi lutf-e-yaar hum par bhi
Bahut raha hai kabhi lutf-e-yaar hum par bhi
Guzar chuki hai yeh fasl-e-bahar hum par bhi
Uroos-e-dahar ko aaya tha pyaar hum par bhi
Yeh baiswa thi kisi shab nisaar hum par bhi
Bitha chuka hai zamana hamein bhi masnad par
Hua kiye hain jawaahir nisaar hum par bhi
Adu ko bhi jo banaya hai tum ne mehram-e-raaz
To fakhr kya jo hua e'tibar hum par bhi
Khata kisi ki ho lekin khuli jo un ki zubaan
To ho hi jaate hain do ek waar hum par bhi
Hum aise rind magar yeh zamana hai woh ghazab
Ki daal hi diya duniya ka baar hum par bhi
Hamein bhi aatish-e-ulfat jala chuki Akbaar
Haraam ho gayi dozakh ki naar hum par bhi
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں