اک بوسہ دیجئے مرا ایمان لیجئے — اکبر اللہ آبادی
شاعر
اک بوسہ دیجئے مرا ایمان لیجئے
اک بوسہ دیجئے مرا ایمان لیجئے
گو بت ہیں آپ بہر خدا مان لیجئے
دل لے کے کہتے ہیں تری خاطر سے لے لیا
الٹا مجھی پہ رکھتے ہیں احسان لیجئے
غیروں کو اپنے ہاتھ سے ہنس کر کھلا دیا
مجھ سے کبیدہ ہو کے کہا پان لیجئے
مرنا قبول ہے مگر الفت نہیں قبول
دل تو نہ دوں گا آپ کو میں جان لیجئے
حاضر ہوا کروں گا میں اکثر حضور میں
آج اچھی طرح سے مجھے پہچان لیجئے
Ek bosa dijiye mera iman lejiye
Ek bosa dijiye mera iman lejiye
Go but hain aap ba-har Khuda maan lejiye
Dil le ke kehte hain teri khaatir se le liya
Ulta mujhi pe rakhte hain ehsan lejiye
Ghairon ko apne haath se hans kar khila diya
Mujh se kabeeda ho ke kaha paan lejiye
Marna qabool hai magar ulfat nahin qabool
Dil to na doonga aap ko main jaan lejiye
Haazir hua karoonga main aksar huzoor mein
Aaj achhi tarah se mujhe pehchan lejiye
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں