حلقے نہیں ہیں زلف کے حلقے ہیں جال کے — اکبر اللہ آبادی
شاعر
حلقے نہیں ہیں زلف کے حلقے ہیں جال کے
حلقے نہیں ہیں زلف کے حلقے ہیں جال کے
ہاں اے نگاہ شوق ذرا دیکھ بھال کے
پہنچے ہیں تا کمر جو ترے گیسوئے رسا
معنی یہ ہیں کمر بھی برابر ہے بال کے
بوس و کنار و وصل حسیناں ہے خوب شغل
کمتر بزرگ ہوں گے خلاف اس خیال کے
قامت سے تیرے صانع قدرت نے اے حسیں
دکھلا دیا ہے حشر کو سانچے میں ڈھال کے
شان دماغ عشق کے جلوے سے یہ بڑھی
رکھتا ہے ہوش بھی قدم اپنے سنبھال کے
زینت مقدمہ ہے مصیبت کا دہر میں
سب شمع کو جلاتے ہیں سانچے میں ڈھال کے
ہستی کے حق کے سامنے کیا اصل این و آں
پتلے یہ سب ہیں آپ کے وہم و خیال کے
تلوار لے کے اٹھتا ہے ہر طالب فروغ
دور فلک میں ہیں یہ اشارے ہلال کے
پیچیدہ زندگی کے کرو تم مقدمے
دکھلا ہی دے گی موت نتیجہ نکال کے
Halqe nahin hain zulf ke halqe hain jaal ke
Halqe nahin hain zulf ke halqe hain jaal ke
Haan aye nigah-e-shauq zara dekh bhaal ke
Pahunche hain ta kamar jo tere gaisoo-e-rasa
Ma'ani yeh hain kamar bhi barabar hai baal ke
Bos-o-kinaar-o-wasl-e-haseenaan hai khoob shughl
Kamtar buzurg honge khilaf is khayal ke
Qamat se tere saane'-e-qudrat ne aye haseen
Dikhla diya hai hashr ko saanche mein dhaal ke
Shaan-e-dimaagh-e-ishq ke jalwe se yeh badhi
Rakhta hai hosh bhi qadam apne sambhal ke
Zeene-e-muqaddama hai museebat ka dehr mein
Sab shama' ko jalate hain saanche mein dhaal ke
Hasti ke haq ke saamne kya asl-e-ain-o-aan
Putle yeh sab hi hain aap ke wehm-o-khayal ke
Talwar le ke uthta hai har talib-e-furogh
Daur-e-falak mein hain yeh ishaare hilaal ke
Pechida zindagi ke karo tum muqaddame
Dikhla hi degi maut nateeja nikaal ke
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں