عشق بت میں کفر کا مجھ کو ادب کرنا پڑا — اکبر اللہ آبادی
شاعر
عشق بت میں کفر کا مجھ کو ادب کرنا پڑا
عشق بت میں کفر کا مجھ کو ادب کرنا پڑا
جو برہمن نے کہا آخر وہ سب کرنا پڑا
صبر کرنا فرقت محبوب میں سمجھے تھے سہل
کھل گیا اپنی سمجھ کا حال جب کرنا پڑا
تجربے نے حب دنیا سے سکھایا احتراز
پہلے کہتے تھے فقط منہ سے اور اب کرنا پڑا
شیخ کی مجلس میں بھی مفلس کی کچھ پرسش نہیں
دین کی خاطر سے دنیا کو طلب کرنا پڑا
کیا کہوں بے خود ہوا میں کس نگاہ مست سے
عقل کو بھی میری ہستی کا ادب کرنا پڑا
اقتضا فطرت کا رکتا ہے کہیں اے ہم نشیں
شیخ صاحب کو بھی آخر کار شب کرنا پڑا
عالم ہستی کو تھا مد نظر کتمان راز
ایک شے کو دوسری شے کا سبب کرنا پڑا
شعر غیروں کے اسے مطلق نہیں آئے پسند
حضرت اکبرؔ کو بالآخر طلب کرنا پڑا
Ishq-e-but mein kufr ka mujh ko adab karna pada
Ishq-e-but mein kufr ka mujh ko adab karna pada
Jo Brahmin ne kaha akhir woh sab karna pada
Sabr karna furqat-e-mehboob mein samjhe the sehl
Khul gaya apni samajh ka haal jab karna pada
Tajurbe ne hubb-e-duniya se sikhaya ihtiraaz
Pehle kehte the faqat munh se aur ab karna pada
Shaikh ki majlis mein bhi muflis ki kuch pursish nahin
Deen ki khaatir se duniya ko talab karna pada
Kya kahun bekhud hua main kis nigaah-e-mast se
Aql ko bhi meri hasti ka adab karna pada
Iqteza-e-fitrat ka rakhta hai kahin ae hamnasheen
Shaikh saahib ko bhi aakhir kaar shab karna pada
Aalam-e-hasti ko tha madd-e-nazar kitmaan-e-raaz
Ek shai ko doosri shai ka sabab karna pada
Sher ghairon ke use mutlaq nahin aaye pasand
Hazrat Akbarؔ ko bil-aakhir talab karna pada
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں