ختم کیا صبا نے رقص گل پہ نثار ہو چکی — اکبر اللہ آبادی
شاعر
ختم کیا صبا نے رقص گل پہ نثار ہو چکی
ختم کیا صبا نے رقص گل پہ نثار ہو چکی
جوش نشاط ہو چکا صوت ہزار ہو چکی
رنگ بنفشہ مٹ گیا سنبل تر نہیں رہا
صحن چمن میں زینت نقش و نگار ہو چکی
مستی لالہ اب کہاں اس کا پیالہ اب کہاں
دور طرب گزر گیا آمد یار ہو چکی
رت وہ جو تھی بدل گئی آئی بس اور نکل گئی
تھی جو ہوا میں نکہت مشک تتار ہو چکی
اب تک اسی روش پہ ہے اکبرؔ مست و بے خبر
کہہ دے کوئی عزیز من فصل بہار ہو چکی
Khatm kiya saba ne raqs-e-gul pe nisaar ho chuki
Khatm kiya saba ne raqs-e-gul pe nisaar ho chuki
Josh-e-nishat ho chuka, saut-e-hazaar ho chuki
Rang-e-banafsha mit gaya, sumbul-e-tar nahin raha
Sehan-e-chaman mein zeenat-e-naqsh-o-nigaar ho chuki
Masti-e-lalah ab kahan, us ka pyala ab kahan
Daur-e-tarab guzar gaya, aamad-e-yaar ho chuki
Rut woh jo thi badal gayi, aayi bas aur nikal gayi
Thi jo hawa mein nukhhat-e-mushk-e-tataar ho chuki
Ab tak isi rawish pe hai Akbar, mast-o-be-khabar
Keh de koi azeez-e-man, fasl-e-bahar ho chuki
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں