کیا جانیے سید تھے حق آگاہ کہاں تک — اکبر اللہ آبادی
شاعر
کیا جانیے سید تھے حق آگاہ کہاں تک
کیا جانیے سید تھے حق آگاہ کہاں تک
سمجھے نہ کہ سیدھی ہے مری راہ کہاں تک
منطق بھی تو اک چیز ہے اے قبلہ و کعبہ
دے سکتی ہے کام آپ کی واللہ کہاں تک
افلاک تو اس عہد میں ثابت ہوئے معدوم
اب کیا کہوں جاتی ہے مری آہ کہاں تک
کچھ صنعت و حرفت پہ بھی لازم ہے توجہ
آخر یہ گورنمنٹ سے تنخواہ کہاں تک
مرنا بھی ضروری ہے خدا بھی ہے کوئی چیز
اے حرص کے بندو ہوس جاہ کہاں تک
تحسین کے لائق ترا ہر شعر ہے اکبرؔ
احباب کریں بزم میں اب واہ کہاں تک
Kya jaaniye Sayyid the haq aagah kahan tak
Kya jaaniye Sayyid the haq aagah kahan tak
Samjhe na ke seedhi hai meri raah kahan tak
Mantiq bhi to ik cheez hai ae qiblah-o-Kaaba
De sakti hai kaam aap ki wallah kahan tak
Aflaak to is ahad mein sabit hue ma'doom
Ab kya kahoon jaati hai meri aah kahan tak
Kuch sanat-o-hirfat pe bhi lazim hai tawajjuh
Akhir yeh government se tanḳhwah kahan tak
Marna bhi zaroori hai, Khuda bhi hai koi cheez
Ae hirs ke bando, hawas-e-jaah kahan tak
Tahseen ke laiq tera har sher hai Akbar
Ahbab karein bazm mein ab wah kahan tak
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں