معنی کو بھلا دیتی ہے صورت ہے تو یہ ہے

معنی کو بھلا دیتی ہے صورت ہے تو یہ ہے
نیچر بھی سبق سیکھ لے زینت ہے تو یہ ہے
کمرے میں جو ہنستی ہوئی آئی مس رعنا
ٹیچر نے کہا علم کی آفت ہے تو یہ ہے
یہ بات تو اچھی ہے کہ الفت ہو مسوں سے
حور ان کو سمجھتے ہیں قیامت ہے تو یہ ہے
پیچیدہ مسائل کے لیے جاتے ہیں انگلینڈ
زلفوں میں الجھ آتے ہیں شامت ہے تو یہ ہے
پبلک میں ذرا ہاتھ ملا لیجئے مجھ سے
صاحب مرے ایمان کی قیمت ہے تو یہ ہے

Ma'ani ko bhula deti hai, soorat hai to yeh hai

Ma'ani ko bhula deti hai, soorat hai to yeh hai
Nature bhi sabaq seekh le, zeenat hai to yeh hai
Kamre mein jo hansti hui aayi Miss Rana
Teacher ne kaha ilm ki aafat hai to yeh hai
Yeh baat to achchhi hai ke ulfat ho muson se
Hoorein unko samajhte hain, qiyamat hai to yeh hai
Pechida masael ke liye jaate hain England
Zulfon mein ulajh aate hain, shamat hai to yeh hai
Public mein zara haath mila leejiye mujh se
Sahab mere imaan ki qimat hai to yeh hai

شاعر کے بارے میں

سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...

مکمل تعارف پڑھیں

معنی کو بھلا دیتی ہے صورت ہے تو یہ ہے — اکبر اللہ آبادی

شاعر