نہ روح مذہب نہ قلب عارف نہ شاعرانہ زبان باقی — اکبر اللہ آبادی
شاعر
نہ روح مذہب نہ قلب عارف نہ شاعرانہ زبان باقی
نہ روح مذہب نہ قلب عارف نہ شاعرانہ زبان باقی
زمیں ہماری بدل گئی ہے اگرچہ ہے آسمان باقی
شب گزشتہ کے ساز و ساماں کے اب کہاں ہیں نشان باقی
زبان شمع سحر پہ حسرت کی رہ گئی داستان باقی
جو ذکر آتا ہے آخرت کا تو آپ ہوتے ہیں صاف منکر
خدا کی نسبت بھی دیکھتا ہوں یقین رخصت گمان باقی
فضول ہے ان کی بد دماغی کہاں ہے فریاد اب لبوں پر
یہ وار پر وار اب عبث ہیں کہاں بدن میں ہے جان باقی
میں اپنے مٹنے کے غم میں نالاں ادھر زمانہ ہے شاد و خنداں
اشارہ کرتی ہے چشم دوراں جو آن باقی جہان باقی
اسی لیے رہ گئی ہیں آنکھیں کہ میرے مٹنے کا رنگ دیکھیں
سنوں وہ باتیں جو ہوش اڑائیں اسی لیے ہیں یہ کان باقی
تعجب آتا ہے طفل دل پر کہ ہو گیا مست نظم اکبرؔ
ابھی مڈل پاس تک نہیں ہے بہت سے ہیں امتحان باقی
Na rooh-e-mazhab, na qalb-e-aarif, na shairana zubaan baqi
Na rooh-e-mazhab, na qalb-e-aarif, na shairana zubaan baqi
Zameen humari badal gayi hai, agarcha hai aasman baqi
Shab-e-guzashta ke saaz-o-saamaan ke ab kahan hain nishan baqi
Zuban-e-shama-e-sehar pe hasrat ki reh gayi daastaan baqi
Jo zikr aata hai akhirat ka, to aap hote hain saaf munkir
Khuda ki nisbat bhi dekhta hoon, yaqeen rukhsat gumaan baqi
Fuzool hai unki bad-dimaaghi, kahan hai faryaad ab labon par
Yeh waar par waar ab abas hain, kahan badan mein hai jaan baqi
Main apne mitne ke gham mein nalan, idhar zamana hai shad-o-khandan
Ishaara karti hai chashm-e-dauraan, jo aan baqi jahan baqi
Isi liye reh gayi hain aankhein, ke mere mitne ka rang dekhein
Sunoon woh baatein jo hosh urayen, isi liye hain yeh kaan baqi
Ta'ajjub aata hai tifl-e-dil par, ke ho gaya mast-e-nazm Akbar
Abhi Middle Pass tak nahin hai, bahut se hain imtehaan baqi
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں