پھر گئی آپ کی دو دن میں طبیعت کیسی — اکبر اللہ آبادی
شاعر
پھر گئی آپ کی دو دن میں طبیعت کیسی
پھر گئی آپ کی دو دن میں طبیعت کیسی
یہ وفا کیسی تھی صاحب یہ مروت کیسی
دوست احباب سے ہنس بول کے کٹ جائے گی رات
رند آزاد ہیں ہم کو شب فرقت کیسی
جس حسیں سے ہوئی الفت وہی معشوق اپنا
عشق کس چیز کو کہتے ہیں طبیعت کیسی
ہے جو قسمت میں وہی ہوگا نہ کچھ کم نہ سوا
آرزو کہتے ہیں کس چیز کو حسرت کیسی
حال کھلتا نہیں کچھ دل کے دھڑکنے کا مجھے
آج رہ رہ کے بھر آتی ہے طبیعت کیسی
کوچۂ یار میں جاتا تو نظارہ کرتا
قیس آوارہ ہے جنگل میں یہ وحشت کیسی
Phir gayi aap ki do din mein tabiyat kaisi
Phir gayi aap ki do din mein tabiyat kaisi
Yeh wafa kaisi thi sahib yeh murawwat kaisi
Dost ehbab se hans bol ke kat jayegi raat
Rind azaad hain hum ko shab-e-furqat kaisi
Jis haseen se hui ulfat wahi mashooq apna
Ishq kis cheez ko kehte hain tabiyat kaisi
Hai jo qismat mein wahi hoga na kuch kam na siwa
Aarzoo kehte hain kis cheez ko hasrat kaisi
Haal khulta nahin kuch dil ke dhadakne ka mujhe
Aaj reh reh ke bhar aati hai tabiyat kaisi
Kooche-e-yar mein jaata to nazzaara karta
Qais aawara hai jangal mein yeh wahshat kaisi
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں