رنگ شراب سے مری نیت بدل گئی — اکبر اللہ آبادی
شاعر
رنگ شراب سے مری نیت بدل گئی
رنگ شراب سے مری نیت بدل گئی
واعظ کی بات رہ گئی ساقی کی چل گئی
طیار تھے نماز پہ ہم سن کے ذکر حور
جلوہ بتوں کا دیکھ کے نیت بدل گئی
مچھلی نے ڈھیل پائی ہے لقمے پہ شاد ہے
صیاد مطمئن ہے کہ کانٹا نگل گئی
چمکا ترا جمال جو محفل میں وقت شام
پروانہ بیقرار ہوا شمع جل گئی
عقبیٰ کی باز پرس کا جاتا رہا خیال
دنیا کی لذتوں میں طبیعت بہل گئی
حسرت بہت ترقیٔ دختر کی تھی انہیں
پردہ جو اٹھ گیا تو وہ آخر نکل گئی
Rang sharāb se merī nīyat badal gaī
Rang sharāb se merī nīyat badal gaī
Wāiz kī bāt rah gaī sāqī kī chal gaī
Tayyār the namāz pe ham sun ke zikr-e-hoor
Jalwah buton kā dekh ke nīyat badal gaī
Machhlī ne ḍhīl paaī hai luqme pe shād hai
Sayyād mutma’in hai ke kāñṭā nigal gaī
Chamakā terā jamāl jo mehfil meñ waqt-e-shām
Parwānah beqarār huā sham'a jal gaī
Uqbā kī bāz-purs kā jātā rahā khayāl
Dunyā kī lazzatoñ meñ tabī'at behal gaī
Hasrat bahut taraqqī-e-dukhtar kī thī unheñ
Pardah jo uṭh gayā to woh ākhir nikal gaī
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں