شیخ نے ناقوس کے سر میں جو خود ہی تان لی — اکبر اللہ آبادی
شاعر
شیخ نے ناقوس کے سر میں جو خود ہی تان لی
شیخ نے ناقوس کے سر میں جو خود ہی تان لی
پھر تو یاروں نے بھجن گانے کی کھل کر ٹھان لی
مدتوں قائم رہیں گی اب دلوں میں گرمیاں
میں نے فوٹو لے لیا اس نے نظر پہچان لی
رو رہے ہیں دوست میری لاش پر بے اختیار
یہ نہیں دریافت کرتے کس نے اس کی جان لی
میں تو انجن کی گلے بازی کا قائل ہو گیا
رہ گئے نغمے حدی خوانوں کے ایسی تان لی
حضرت اکبرؔ کے استقلال کا ہوں معترف
تابہ مرگ اس پر رہے قائم جو دل میں ٹھان لی
Shaikh ne nāqūs ke sar meñ jo khud hī tān lī
Shaikh ne nāqūs ke sar meñ jo khud hī tān lī
Phir to yāroñ ne bhajan gāne kī khul kar ṭhān lī
Muddateñ qāim raheñgī ab diloñ meñ garmiyāñ
Maiñ ne photo le liyā us ne nazar pehchān lī
Ro rahe haiñ dost merī lāsh par be-ikhtiyār
Ye nahīñ daryāft karte kis ne us kī jān lī
Maiñ to injan kī gale bāzī kā qāil ho gayā
Rah ga'e naghme hadī khwānoñ ke aisī tān lī
Hazrat Akbar ke isteqlāl kā hūñ mu'tarif
Tā ba-marg is par rahe qāim jo dil meñ ṭhān lī
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں