تری زلفوں میں دل الجھا ہوا ہے — اکبر اللہ آبادی
شاعر
تری زلفوں میں دل الجھا ہوا ہے
تری زلفوں میں دل الجھا ہوا ہے
بلا کے پیچ میں آیا ہوا ہے
نہ کیوں کر بوئے خوں نامے سے آئے
اسی جلاد کا لکھا ہوا ہے
چلے دنیا سے جس کی یاد میں ہم
غضب ہے وہ ہمیں بھولا ہوا ہے
کہوں کیا حال اگلی عشرتوں کا
وہ تھا اک خواب جو بھولا ہوا ہے
جفا ہو یا وفا ہم سب میں خوش ہیں
کریں کیا اب تو دل اٹکا ہوا ہے
ہوئی ہے عشق ہی سے حسن کی قدر
ہمیں سے آپ کا شہرا ہوا ہے
بتوں پر رہتی ہے مائل ہمیشہ
طبیعت کو خدایا کیا ہوا ہے
پریشاں رہتے ہو دن رات اکبرؔ
یہ کس کی زلف کا سودا ہوا ہے
Terī zulfoñ meñ dil uljhā huā hai
Terī zulfoñ meñ dil uljhā huā hai
Balā ke pech meñ āyā huā hai
Na kyūñ kar bū-e-khooñ nāme se āye
Isī jallād kā likhā huā hai
Chale dunyā se jis kī yād meñ ham
Ghazab hai woh hameñ bhūlā huā hai
Kahūñ kyā hāl aglī ishratoñ kā
Woh thā ek khwāb jo bhūlā huā hai
Jafā ho yā wafā ham sab meñ khush haiñ
Kareñ kyā ab to dil aṭkā huā hai
Huī hai ishq hī se husn kī qadr
Hameñ se āp kā shohra huā hai
Butoñ par rahtī hai mā'il hamesha
Tabī'at ko Khudāyā kyā huā hai
Pareshāñ rahte ho din rāt Akbar
Ye kis kī zulf kā saudā huā hai
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں