شعور فاصلۂ خیر و شر دیا ہے مجھے
شعور فاصلۂ خیر و شر دیا ہے مجھے تری نگاہ نے تبدیل کر دیا ہے مجھے مرا مقام کہیں اور تھا پہ لگتا ہے کسی نے رو میں کہیں اور دھر دیا ہے مجھے بس اک گلہ سا تری چشم نیم باز سے ہے کہ اس نے وقت بہت مختصر دیا ہے مجھے مجھے خبر نہیں سودا ہے یا تجسس ہے مرے خمیر نے کیا درد سر دیا ہے مجھے میں اپنی راہ بنا لوں گا کوہساروں میں خرد نے کوہ کنی کا ہنر دیا ہے مجھے
English rendering
Shaoor-e-fasila-e-khair-o-shar diya hai mujhe Teri nigah ne tabdeel kar diya hai mujhe Mera muqaam kahin aur tha pe lagta hai Kisi ne rau mein kahin aur dhar diya hai mujhe Bas ek gila sa teri chashm-e-neem-baaz se hai Ke us ne waqt bahut mukhtasar diya hai mujhe Mujhe khabar nahin sauda hai ya tajassus hai Mere khameer ne kya dard-e-sar diya hai mujhe Main apni raah bana loon ga kohsaron mein Khird ne koh-kani ka hunar diya hai mujhe