اسعد بدایونی

English rendering

Bade nadan the hum ret ko aab-e-rawan samjhe Khajooron ke darakhton ko ghanera sayeban samjhe Chaman mein mere aansu the jinhein shabnam kaha sab ne Falak par meri aahen thin jinhein sab kahkashan samjhe Kabhi tujh ko ghubar-e-rang mein koi kiran jaana Kabhi tujh ko giraft-e-sang mein ju-e-rawan samjhe Kisi be-mehar subhon ko ata ki roshni hum ne Kai na-meharban raaton ko bhi hum meharban samjhe Khizan ke shahr mein bas mein baharon ki alamat tha Mere zakhmon ko sab phoolon ki nazuk pattiyan samjhe Sabhi ko de raha tha wo dua jeene ki sadiyon tak Hamare shahr ke sab log is ko bad-zaban samjhe Thake baithe the kuchh panchhi lab-e-dariya jinhein Asad Hum apni par-shikasta khwahishon ka karwan samjhe