جو لوگ راتوں کو جاگتے تھے
ستارے جتنے بھی آسماں پر مری تمنا کے ضوفشاں تھے زمیں کے اندر اتر گئے ہیں جو لوگ راتوں کو جاگتے تھے وہ مر گئے ہیں وہ پھول وہ تتلیاں کہ جن سے بہار کی دل کشی سوا تھی وہ رزق خاشاک بن چکے تھے تمام منظر تمام چہرے جو دھیرے دھیرے سلگ رہے تھے سو اب وہ سب راکھ بن چکے ہیں میں رفتگاں کی اداس یادوں کے سائے میں دن گزارتا ہوں اگرچہ خوابوں کا پیرہن تار تار سا ہے پہ میں اسے کب اتارتا ہوں مری صدا کا جواب اب کوئی بھی نہ دے گا یہ جانتا ہوں مگر مسلسل کسی کو اب تک پکارتا ہوں عجیب یہ کھیل ہے کہ جس کو نہ جیتتا ہوں نہ ہارتا ہوں مری کہانی میں کوئی شے بھی نئی نہیں ہے یہ ننھے منے حسین خوابوں سے ہے عبارت مری کہانی میں نرم دن خوش گوار شاموں اداس راتوں کی ایک رو ہے وجود میرا کسی دیئے کی حقیر لو ہے میں یوں تو کہنے کو عقل و منطق کے دور کا آدمی ہوں لیکن مرا رویہ ہے زندگی کو گزارنے کا بہت پرانا میں سوچتا ہوں کہ اک صدی قبل پیدا ہوتا تو ٹھیک رہتا کہ مجھ سے کوئی بھی کچھ نہ کہتا جو خاک کا رزق ہو چکے ہیں میں ان زمانوں کا نوحہ گر ہوں وصال و ہجراں کی داستانوں کا نوحہ گر ہوں جنہیں یہ دنیا ہزار ہا بار سن چکی ہے
English rendering
Sitaare jitne bhi aasman par Meri tamanna ke zofishan the Zameen ke andar utar gaye hain Jo log raaton ko jaagte the woh mar gaye hain Woh phool woh titliyan ke jin se Bahar ki dilkashi siwa thi Woh rizq-e-khashaak ban chuke the Tamam manzar tamam chehre jo dheere dheere sulag rahe the So ab woh sab raakh ban chuke hain Main raftagan ki udaas yaadon ke saye mein din guzarta hoon Agarche khwabon ka pairahan taar taar sa hai Pe main use kab utarta hoon Meri sada ka jawab ab koi bhi na dega Yeh jaanta hoon magar musalsal kisi ko ab tak pukarta hoon Ajeeb yeh khel hai ke jis ko na jeet'ta hoon na harta hoon Meri kahani mein koi shai bhi nayi nahin hai Yeh nanhe munne haseen khwabon se hai ibarat Meri kahani mein narm din khushgawar shaamon Udaas raaton ki ek rau hai Wajood mera kisi diye ki haqeer lau hai Main yoon to kehne ko aql-o-mantiq ke daur ka aadmi hoon lekin Mera rawaiyya hai zindagi ko guzarne ka bahut purana Main sochta hoon ke ek sadi qabl paida hota to theek rehta Ke mujh se koi bhi kuchh na kehta Jo khaak ka rizq ho chuke hain Main un zamamon ka nauha-gar hoon Visal-o-hijran ki daastanon ka nauha-gar hoon Jinhein yeh duniya hazar-ha baar sun chuki hai