سجے سجائے ہوئے سبز منظروں سے نہ جائیں
سجے سجائے ہوئے سبز منظروں سے نہ جائیں خدا کرے کہ یہ دریا کبھی گھروں سے نہ جائیں بنام عشق و ہوس کچھ نہ کچھ رہے روشن کچھ ایسا ہو کہ یہ سودے کبھی سروں سے نہ جائیں فضائے دشت طرب ناک کو دوام ملے گلاب خوشبو سے اور تتلیاں پروں سے نہ جائیں ضرورتوں کو زیادہ نہ کر خدائے کریم نکل کے پاؤں بہت دور چادروں سے نہ جائیں حروف و نطق کی ہر انجمن میں رونق ہو خیال روٹھ کے ہرگز سخن وروں سے نہ جائیں اسی طرح صف سیارگاں رہے قائم نجوم و ماہ الگ اپنے محوروں سے نہ جائیں امیر عصر سے فریاد کرنا چاہتے ہیں سروں کو پھوڑنے یہ لوگ پتھروں سے نہ جائیں
English rendering
Saje sajaye hue sabz manzaron se na jaayen Khuda kare ke yeh darya kabhi gharon se na jaayen Ba-naam-e-ishq-o-hawas kuchh na kuchh rahe raushan Kuchh aisa ho ke yeh saude kabhi saron se na jaayen Faza-e-dasht-e-tarab-naak ko dawam mile Gulaab khushboo se aur titliyan paron se na jaayen Zarooraton ko ziyada na kar khuday-e-kareem Nikal ke paon bahut door chadaron se na jaayen Huroof-o-nutq ki har anjuman mein raunaq ho Khayal rooth ke hargiz sukhanwaron se na jaayen Isi tarah saff-e-saiyargan rahe qayam Nujoom-o-mah alag apne mehwaron se na jaayen Ameer-e-asr se faryad karna chahte hain Saron ko phodhne yeh log pattharon se na jaayen