شعلۂ تنہائی سے سب بام و در جل جائیں گے
شعلۂ تنہائی سے سب بام و در جل جائیں گے چند دن کی بات ہے بوڑھے کھنڈر جل جائیں گے ایک دن اس دشت پر سورج کا دل آ جائے گا ایک دن اس دشت کے سارے شجر جل جائیں گے جائے گا عزم سفر منزل پہ تنہا دوستو راہ کی گرمی سے سب اہل سفر جل جائیں گے سن رہا ہوں جلد ہی برسیں گے سنگ آفتاب اور میرے شہر میں جتنے ہیں گھر جل جائیں گے خاک رہ جائے گی اک مٹھی حقیقت کی فقط سارے افسانے طویل و مختصر جل جائیں گے مجھ کو کیوں دیتا ہے تو اونچی اڑانوں کی سزا دھوپ کا موسم ہے ظالم میرے پر جل جائیں گے آگ ہر لمحہ تعاقب کر رہی ہے آپ کا آپ اسعدؔ لاکھ رہیے باخبر جل جائیں گے
English rendering
Shola-e-tanhai se sab baam-o-dar jal jayenge Chand din ki baat hai boodhe khandhar jal jayenge Ek din is dasht par suraj ka dil aa jayega Ek din is dasht ke saare shajar jal jayenge Jayega azm-e-safar manzil pe tanha dosto Raah ki garmi se sab ahl-e-safar jal jayenge Sun raha hoon jald hi barsenge sang-e-aaftaab Aur mere shahar mein jitne hain ghar jal jayenge Khaak reh jayegi ek meethi haqeeqat ki faqat Saare afsane taweel-o-mukhtasar jal jayenge Mujh ko kyun deta hai tu oonchi udaanon ki saza Dhoop ka mausam hai zaalim mere par jal jayenge Aag har lamha ta'aqub kar rahi hai aap ka Aap As'ad lakh rahiye ba-khabar jal jayenge