باقر مہدی

English rendering

Ishq ki saari baatein ae dil paagal-pan ki baatein hain Zulf-e-siyah ke saaye mein bhi daar-o-rasan ki baatein hain Veeranon mein ja ke dekho kaise kaise phool khile hain Deewanon ke honton par ab sarv-o-saman ki baatein hain Kal tak apne khoon ke aansoo mitti mein mil jaate the Aaj isi mitti se paida nazm-e-chaman ki baatein hain Thokar khaate phirte hain ik subah yahan ik shaam wahan Aawaara ki saari baatein koh-o-daman ki baatein hain Dekhein kab kirnein ubhrein gi dekhein kab taare doobenge Hijr ki shab mein ab tak yaaro subah-e-watan ki baatein hain