نروان
اک خوشبو درد سر کی مرجھائی کلیوں کو کھلائے جاتی ہے ذہن میں بچھو امیدوں کے ڈنک لگاتے ہیں ہچکی لے کر پھر خود ہی مر جاتے ہیں دل کی دھڑکن سچائی کے تلخ دھوئیں کو گہرا کرتی پیہم بڑھتی جاتی ہے پیٹ میں بھوک ڈکاریں لیتی رہتی ہے پھر رگ رگ میں سوئیاں بن کر بھاگی بھاگی پھرتی ہے پورے جسم میں درد کا اک لاوا سا بہتا رہتا ہے ایسا مجھ کو لگتا ہے جیسے میں آخری قے میں اس دنیا کی ساری غذائیں خواب و حقیقت کی آلائش آدرشوں کی میٹھی شرابیں اک بے معنی کشش میں الجھا یہ جیون سارا کا سارا اگل دوں گا شاید مجھ کو اس لمحے نروان ملے
English rendering
Ek khushboo dard-e-sar ki murjhayi kaliyon ko khilaaye jaati hai Zehn mein bichchhoo ummeedon ke dank lagate hain Hichki le kar phir khud hi mar jaate hain Dil ki dhadkan sachchaai ke talkh dhuein ko gehra karti paiham badhti jaati hai Pet mein bhook dakaarein leti rehti hai Phir rag rag mein suiyaan ban kar bhaagi bhaagi phirti hai Poore jism mein dard ka ek laawa sa behta rehta hai Aisa mujh ko lagta hai Jaise main Aakhiri qay mein is duniya ki saari ghizayein khwab-o-haqeeqat ki aalaish Aadarshon ki meethi sharabein Ek be-maani kashish mein uljha Yeh jeewan Saara ka saara ugal doon ga Shayad mujh ko is lamhe Nirwan mile