باقر مہدی

English rendering

Toote sheeshe ki aakhri nazm Bhaagte waqt ko main aaj pakad laaya hun Yeh mera waqt mere zehn ki takhleeq sahi Raat aur din ke tasalsul ko pareshan kar ke Main ne lamhaat ko ek roop diya Subah ko raat ki zanjeer se azad kiya Khwab-o-bedi ki deewar gira di main ne Zindagi maut se kab tak yoon harasaan rehti Kya hua waqt-o-haqeeqat ka zawaal Main Apni tooti hui zanjeer kahaan dafan karun Har taraf qabrein mujawir hain Devtaon ke muqaddas ajsaam Har jagah dafan hain Koi veerana nahin door talak Kya mujhe apne hi zehn ke us goshe mein Toote aadarshon ke aayine mein Waqt ke aks ko dafnana hai