اس نے کہا!
سائے بڑھنے لگے اور جیسے کہیں رات ہوئی دیر تک بیٹھے رہے آنکھوں میں آنکھیں ڈالے پھر دل زار نے چپکے سے انہیں چوم لیا ہونٹ تھرائے کہ کس طرح کی یہ بات ہوئی پیاری آنکھوں نے کہا ہم تو بہت ہیں مخمور کوئی ناشاد رہے ہم تو ابھی ہیں مسرور ذہن شاعر بھی تخیل میں ذرا جھوم لیا بات اتنی ہی ہوئی تھی کہ وہ آنکھیں بولیں ''بارہا تم نے ہماری ہی قسم کھائی ہے سچ کہو جرأت دل کیسے کہاں پائی ہے ہم پہ صدقے کیا کرتے ہو دل و جاں لیکن راز ہیں کون سے پنہاں یہ سمجھتے بھی ہو! کس طرح تم سے کریں عہد وفا کی باتیں اجنبی ہوتا ہے مہماں یہ سمجھتے بھی ہو! ڈوبنے لگتے ہو جب یاس کی گہرائی میں بیکسی ہم سے تمہاری نہیں دیکھی جاتی! جام پہ جام چڑھاتے ہو کہ غم کچھ بھی نہیں بے خودی ہم سے تمہاری نہیں دیکھی جاتی! کیوں کہا کرتے ہو دنیا ہے یہ ہم کچھ بھی نہیں ایسے لمحوں میں بھلا کس نے سنبھالا ہے کہو غم کدے سے تمہیں کس طرح نکالا ہے کہو! اپنے سینے میں بھی جذبات کے طوفاں ہیں مگر ہم تمہاری ہی طرح بے سر و ساماں ہیں مگر حسن کے آج ہر اک گام پہ سودائی ہیں اپنی نظریں بھی تو اب باعث رسوائی ہیں'' ذہن شاعر نے یہ باتیں بھی سنیں کچھ نہ کہا ہاتھ خود بڑھ کے نئی طرح سے ہاتھوں سے ملے آنکھوں آنکھوں میں محبت کی نئی بات ہوئی سائے بڑھنے لگے اور جیسے کہیں رات ہوئی
English rendering
Saaye badhne lage aur jaise kaheen raat hui Der tak baithe rahe aankhon mein aankhein daale Phir dil-e-zaar ne chupke se unhein choom liya Hont thartharaye ke kis tarah ki yeh baat hui Pyaari aankhon ne kaha hum to bahut hain makhmoor Koi naashaad rahe hum to abhi hain masroor Zehn-e-shayar bhi takhayyul mein zara jhoom liya Baat itni hi hui thi ke woh aankhein bolein ''Barha tum ne humari hi qasam khaayi hai Sach kaho jurrat-e-dil kaise kahaan paayi hai Hum pe sadqe kya karte ho dil-o-jaan lekin Raaz hain kaun se pinhaan yeh samajhte bhi ho! Kis tarah tum se karein ahd-e-wafa ki baatein Ajnabi hota hai mehmaan yeh samajhte bhi ho! Doobne lagte ho jab yaas ki gehraayi mein Bekasi hum se tumhari nahin dekhi jaati! Jaam pe jaam chadhaate ho ke gham kuch bhi nahin Bekhudi hum se tumhari nahin dekhi jaati! Kyon kaha karte ho duniya hai yeh hum kuch bhi nahin Aise lamhon mein bhala kis ne sambhala hai kaho Gham-kade se tumhein kis tarah nikala hai kaho! Apne seene mein bhi jazbaat ke toofaan hi hain magar Hum tumhari hi tarah be-sar-o-saamaan hain magar Husn ke aaj har ek gaam pe saudayi hain Apni nazrein bhi to ab baais-e-ruswaayi hain'' Zehn-e-shayar ne yeh baatein bhi suneen kuch na kaha Haath khud badh ke nayi tarah se haathon se mile Aankhon aankhon mein mohabbat ki nayi baat hui Saaye badhne lage aur jaise kaheen raat hui