بادل ہے اور پھول کھلے ہیں سبھی طرف — باصر سلطان کاظمی
شاعر
بادل ہے اور پھول کھلے ہیں سبھی طرف
بادل ہے اور پھول کھلے ہیں سبھی طرف
کہتا ہے دل کہ آج نکل جا کسی طرف
تیور بہت خراب تھے سنتے ہیں کل ترے
اچھا ہوا کہ ہم نے نہ دیکھا تری طرف
جب بھی ملے ہم ان سے انہوں نے یہی کہا
بس آج آنے والے تھے ہم آپ کی طرف
اے دل یہ دھڑکنیں تری معمول کی نہیں
لگتا ہے آ رہا ہے وہ فتنہ اسی طرف
خوش تھا کہ چار نیکیاں ہیں جمع اس کے پاس
نکلے گناہ بیسیوں الٹا مری طرف
باصرؔ عدو سے ہم تو یونہی بد گماں رہے
تھا ان کا التفات کسی اور ہی طرف
Baadal hai aur phool khile hain sabhi taraf
Baadal hai aur phool khile hain sabhi taraf
Kehta hai dil ke aaj nikal ja kisi taraf
Tevar bahut kharab the sunte hain kal tere
Acha hua ke hum ne na dekha teri taraf
Jab bhi mile hum un se unhon ne yehi kaha
Bas aaj aane wale the hum aap ki taraf
Ae dil yeh dhadkanein teri mamool ki nahin
Lagta hai aa raha hai woh fitna isi taraf
Khush tha ke chaar nekiyaan hain jama is ke paas
Nikle gunah beysiyon ulta meri taraf
Basir adoo se hum to yoonhi bad-gumaan rahe
Tha un ka iltefaat kisi aur hi taraf
شاعر کے بارے میں
ِباصر سلطان کاظمی اردو کے ممتاز اور معتبر شاعر، ڈرامہ نگار اور ادیب ہیں، جنہیں برطانوی-پاکستانی ادبی دنیا میں نمایاں مقام حاصل ہے۔ آپ معروف اردو شا...
مکمل تعارف پڑھیں