کہا انہوں نے کہ ہو تم تو کام سے فارغ — باصر سلطان کاظمی
شاعر
کہا انہوں نے کہ ہو تم تو کام سے فارغ
ہوا میں جونہی دعا و سلام سے فارغ
کہا انہوں نے کہ ہو تم تو کام سے فارغ
قضا کو سونپ کے بستی کے انتظامی امور
جو منتظم تھے ہوئے انتظام سے فارغ
تھے منتظر مرے دو اور بھی ضروری کام
ہوا نہ تھا میں ابھی ایک کام سے فارغ
وہ جن کو ہونا تھا رخصت بڑی خموشی سے
کیے گئے ہیں بڑی دھوم دھام سے فارغ
کہانی قیس کی سننے سے پہلے وہ بولے
مجھے تو لگتا ہے یہ شخص نام سے فارغ
مرے لیے کوئی مصروفیت نہیں باقی
کیا گیا ہوں کچھ اِس اہتمام سے فارغ
Kaha unhon ne ke ho tum to kaam se farigh
Hua main jyunhi dua-o-salam se farigh
Kaha unhon ne ke ho tum to kaam se farigh
Qaza ko saunp ke basti ke intezami umoor
Jo muntazim the hue intezam se farigh
The muntazir mere do aur bhi zaruri kaam
Hua na tha main abhi ek kaam se farigh
Woh jin ko hona tha rukhsat bari khamoshi se
Kiye gaye hain bari dhoom dhaam se farigh
Kahani Qais ki sunne se pehle wo bole
Mujhe to lagta hai ye shakhs naam se farigh
Mere liye koi masrufiyat nahin baqi
Kiya gaya hun kuchh is ihtimam se farigh
شاعر کے بارے میں
ِباصر سلطان کاظمی اردو کے ممتاز اور معتبر شاعر، ڈرامہ نگار اور ادیب ہیں، جنہیں برطانوی-پاکستانی ادبی دنیا میں نمایاں مقام حاصل ہے۔ آپ معروف اردو شا...
مکمل تعارف پڑھیں