بیتے ہوئے دنوں کی فضا یاد آ گئی — باصر سلطان کاظمی
شاعر
بیتے ہوئے دنوں کی فضا یاد آ گئی
بیتے ہوئے دنوں کی فضا یاد آ گئی
وہ چاندنی وہ گھر وہ ہوا یاد آ گئی
جیسے کوئی پکار رہا ہو کہیں مجھے
یہ آدھی رات کس کی صدا یاد آ گئی
تازہ تھا زخمِ ہجر تو تدبیر کچھ نہ کی
اب لا علاج ہے تو دوا یاد آ گئی
وہ شکل دُور رہ کے بھی ہے کتنی مہرباں
جب دل نے اُس کو یاد کیا یاد آ گئی
باصرِؔ کسی سے عہدِ وفا کر رہے تھے آج
ناگاہ پھر کسی کی وفا یاد آ گئی
Beete hue dinon ki fiza yaad aa gayi
Beete hue dinon ki fiza yaad aa gayi
Woh chandni woh ghar woh hawa yaad aa gayi
Jaise koi pukar raha ho kahin mujhe
Yeh aadhi raat kis ki sada yaad aa gayi
Taza tha zakhm-e hijr to tadbeer kuchh na ki
Ab la ilaaj hai to dawa yaad aa gayi
Woh shakal duur rah ke bhi hai kitni mehrbaan
Jab dil ne us ko yaad kiya yaad aa gayi
Basir kisi se ahd-e wafa kar rahe the aaj
Naagah phir kisi ki wafa yaad aa gayi
شاعر کے بارے میں
ِباصر سلطان کاظمی اردو کے ممتاز اور معتبر شاعر، ڈرامہ نگار اور ادیب ہیں، جنہیں برطانوی-پاکستانی ادبی دنیا میں نمایاں مقام حاصل ہے۔ آپ معروف اردو شا...
مکمل تعارف پڑھیں