میں جو مدہوش ہوا ہوں جو مجھے ہوش نہیں
میں جو مدہوش ہوا ہوں جو مجھے ہوش نہیں سب نے دی بانگِ محبت کوئی خاموش نہیں میں تری مست نگاہی کا بھرم رکھ لوں گا ہوش آیا بھی تو کہہ دوں گا مجھے ہوش نہیں تو نہیں ہے نہ سہی، کیف نہیں غم ہی سہی یہ بھی کیا کم ہے کہ خالی مرا آغوش نہیں رہ گیا ہوں ترے جلوؤں میں جو میں گم ہوکر ہائے دنیا یہ سمجھتی ہے مجھے ہوش نہیں درِ جاناں پہ مجھے کرنے دے سجدے زاہد ہاں مجھے ہوش نہیں، ہوش نہیں ، ہوش نہیں آگئے ہیں ترے جلوے جو مقابل میرے میں تومیں ہوں، مری نظروں کو بھی کچھ ہوش نہیں چاک دامن کو مرے دیکھ کے حیراں کیوں ہو ہوش کی بات تو یہ ہے کہ مجھے ہوش نہیں جانِ صدہوش تھی شاید کہ مری بےہوشی ہوش آیا ہے تو کہتا ہوں مجھے ہوش نہیں ہائے بہزاد یہ عالم نہ سمجھ میں آیا اب مجھے ہوش جو آیا تو انہیں ہوش نہیں
English rendering
Main jo madhosh hua hoon jo mujhe hosh nahin Sab ne di baang-e-mohabbat koi khamosh nahin Main teri mast nigaahi ka bharam rakh loon ga Hosh aaya bhi to keh doon ga mujhe hosh nahin Tu nahin hai na sahi, kaif nahin gham hi sahi Yeh bhi kya kam hai ke khaali mira aaghosh nahin Reh gaya hoon tere jalwon mein jo main gum hokar Haaye duniya yeh samajhti hai mujhe hosh nahin Dar-e-jaanan pe mujhe karne de sajde zaahid Haan mujhe hosh nahin, hosh nahin, hosh nahin Aagaye hain tere jalwe jo muqabil mere Main to main hoon, meri nazron ko bhi kuchh hosh nahin Chaaq daaman ko mere dekh ke hairaan kyun ho Hosh ki baat to yeh hai ke mujhe hosh nahin Jaan-e-sad hosh thi shayad ke meri behoshi Hosh aaya hai to kehta hoon mujhe hosh nahin Haaye Behzad yeh aalam na samajh mein aaya Ab mujhe hosh jo aaya to unhein hosh nahin