آنکھوں میں جو بات ہو گئی ہے — فراق گورکھپوری
شاعر
آنکھوں میں جو بات ہو گئی ہے
آنکھوں میں جو بات ہو گئی ہے
اک شرح حیات ہو گئی ہے
جب دل کی وفات ہو گئی ہے
ہر چیز کی رات ہو گئی ہے
غم سے چھٹ کر یہ غم ہے مجھ کو
کیوں غم سے نجات ہو گئی ہے
مدت سے خبر ملی نہ دل کی
شاید کوئی بات ہو گئی ہے
جس شے پہ نظر پڑی ہے تیری
تصویر حیات ہو گئی ہے
اب ہو مجھے دیکھیے کہاں صبح
ان زلفوں میں رات ہو گئی ہے
دل میں تجھ سے تھی جو شکایت
اب غم کے نکات ہو گئی ہے
اقرار گناہ عشق سن لو
مجھ سے اک بات ہو گئی ہے
جو چیز بھی مجھ کو ہاتھ آئی
تیری سوغات ہو گئی ہے
کیا جانیے موت پہلے کیا تھی
اب میری حیات ہو گئی ہے
گھٹتے گھٹتے تری عنایت
میری اوقات ہو گئی ہے
اس چشم سیہ کی یاد یکسر
شام ظلمات ہو گئی ہے
اس دور میں زندگی بشر کی
بیمار کی رات ہو گئی ہے
جیتی ہوئی بازیٔ محبت
کھیلا ہوں تو مات ہو گئی ہے
مٹنے لگیں زندگی کی قدریں
جب غم سے نجات ہو گئی ہے
وہ چاہیں تو وقت بھی بدل جائے
جب آئے ہیں رات ہو گئی ہے
دنیا ہے کتنی بے ٹھکانہ
عاشق کی برات ہو گئی ہے
پہلے وہ نگاہ اک کرن تھی
اب برق صفات ہو گئی ہے
جس چیز کو چھو دیا ہے تو نے
اک برگ نبات ہو گئی ہے
اکا دکا صدائے زنجیر
زنداں میں رات ہو گئی ہے
ایک ایک صفت فراقؔ اس کی
دیکھا ہے تو ذات ہو گئی ہے
Aankhon Mein Jo Baat Ho Gayi Hai
Aankhon mein jo baat ho gayi hai
Ek sharh-e-hayat ho gayi hai
Jab dil ki wafaat ho gayi hai
Har cheez ki raat ho gayi hai
Gham se chhut kar yeh gham hai mujh ko
Kyun gham se nijat ho gayi hai
Muddat se khabar mili na dil ki
Shayad koi baat ho gayi hai
Jis shai pe nazar padi hai teri
Tasveer-e-hayat ho gayi hai
Ab ho mujhe dekhiye kahan subh
In zulfon mein raat ho gayi hai
Dil mein tujh se thi jo shikayat
Ab gham ke nukat ho gayi hai
Iqrar-e-gunah-e-ishq sun lo
Mujh se ek baat ho gayi hai
Jo cheez bhi mujh ko haath aai
Teri saughat ho gayi hai
Kya jaaniye maut pehle kya thi
Ab meri hayat ho gayi hai
Ghatte ghatte teri inayat
Meri auqat ho gayi hai
Is chashm-e-siyah ki yaad yakser
Shaam-e-zulmaat ho gayi hai
Is daur mein zindagi-e-bashar ki
Bimar ki raat ho gayi hai
Jeeti hui bazi-e-mohabbat
Khela hoon to maat ho gayi hai
Mitne lagin zindagi ki qadrein
Jab gham se nijat ho gayi hai
Woh chahein to waqt bhi badal jaaye
Jab aaye hain raat ho gayi hai
Dunya hai kitni be-thikana
Aashiq ki baraat ho gayi hai
Pehle woh nigah ek kiran thi
Ab barq-sifaat ho gayi hai
Jis cheez ko chhoo diya hai tu ne
Ek barg-e-nabat ho gayi hai
Eka duka sada-e-zanjeer
Zindan mein raat ho gayi hai
Ek ek sifat Firaq us ki
Dekha hai to zaat ho gayi hai