بستیاں ڈھونڈھ رہی ہیں انہیں ویرانوں میں — فراق گورکھپوری
شاعر
بستیاں ڈھونڈھ رہی ہیں انہیں ویرانوں میں
بستیاں ڈھونڈھ رہی ہیں انہیں ویرانوں میں
وحشتیں بڑھ گئیں حد سے ترے دیوانوں میں
نگۂ ناز نہ دیوانوں نہ فرزانوں میں
جان کار ایک وہی ہے مگر انجانوں میں
بزم مے بے خود و بے تاب نہ کیوں ہو ساقی
موج بادہ ہے کہ درد اٹھتا ہے پیمانوں میں
میں تو میں چونک اٹھی ہے یہ فضائے خاموش
یہ صدا کب کی سنی آتی ہے پھر کانوں میں
سیر کر اجڑے دلوں کی جو طبیعت ہے اداس
جی بہل جاتے ہیں اکثر انہیں ویرانوں میں
وسعتیں بھی ہیں نہاں تنگئ دل میں غافل
جی بہل جاتے ہیں اکثر انہیں میدانوں میں
جان ایمان جنوں سلسلہ جنبان جنوں
کچھ کشش ہائے نہاں جذب ہیں ویرانوں میں
خندۂ صبح ازل تیرگیٔ شام ابد
دونوں عالم ہیں چھلکتے ہوئے پیمانوں میں
دیکھ جب عالم ہو کو تو نیا عالم ہے
بستیاں بھی نظر آنے لگیں ویرانوں میں
جس جگہ بیٹھ گئے آگ لگا کر اٹھے
گرمیاں ہیں کچھ ابھی سوختہ سامانوں میں
وحشتیں بھی نظر آتی ہیں سر پردۂ ناز
دامنوں میں ہے یہ عالم نہ گریبانوں میں
ایک رنگینیٔ ظاہر ہے گلستاں میں اگر
ایک شادابیٔ پنہاں ہے بیابانوں میں
جوہر غنچہ و گل میں ہے اک انداز جنوں
کچھ بیاباں نظر آئے ہیں گریبانوں میں
اب وہ رنگ چمن و خندۂ گل بھی نہ رہے
اب وہ آثار جنوں بھی نہیں دیوانوں میں
اب وہ ساقی کی بھی آنکھیں نہ رہیں رندوں میں
اب وہ ساغر بھی چھلکتے نہیں مے خانوں میں
اب وہ اک سوز نہانی بھی دلوں میں نہ رہا
اب وہ جلوے بھی نہیں عشق کے کاشانوں میں
اب نہ وہ رات جب امیدیں بھی کچھ تھیں تجھ سے
اب نہ وہ بات غم ہجر کے افسانوں میں
اب ترا کام ہے بس اہل وفا کا پانا
اب ترا نام ہے بس عشق کے غم خانوں میں
تا بہ کے وعدۂ موہوم کی تفصیل فراقؔ
شب فرقت کہیں کٹتی ہے ان افسانوں میں
Bastiyan Dhundh Rahi Hain Unhein Veeranon Mein
Bastiyan dhundh rahi hain unhein veeranon mein
Wahshatain badh gayin had se tere deewanon mein
Nigah-e-naaz na deewanon na farzanon mein
Jaan-e-kaar ek wohi hai magar anjanon mein
Bazm-e-mai be-khud o be-tab na kyun ho saqi
Mauj-e-bada hai ke dard uthta hai paimanon mein
Main to main chaunk uthi hai yeh faza-e-khamosh
Yeh sada kab ki suni aati hai phir kanon mein
Sair kar ujde dilon ki jo tabiyat hai udas
Jee behal jaate hain aksar unhein veeranon mein
Wusatain bhi hain nihan tangi-e-dil mein ghafil
Jee behal jaate hain aksar unhein maidanon mein
Jaan-o-iman-e-junoon silsila-jumban-e-junoon
Kuchh kashish-haye-nihan jazb hain veeranon mein
Khanda-e-subh-e-azal teeragi-e-sham-e-abad
Dono alam hain chhalakte hue paimanon mein
Dekh jab alam ho ko to naya alam hai
Bastiyan bhi nazar aane lagin veeranon mein
Jis jagah baith gaye aag laga kar uthe
Garmiyan hain kuchh abhi sokhta samanon mein
Wahshatain bhi nazar aati hain sar-parda-e-naaz
Damonon mein hai yeh alam na girebanon mein
Ek rangeeni-e-zaahir hai gulistan mein agar
Ek shadabi-e-pinhan hai biyabanon mein
Jauhar-e-ghuncha o gul mein hai ek andaaz-e-junoon
Kuchh biyaban nazar aaye hain girebanon mein
Ab woh rang-e-chaman o khanda-e-gul bhi na rahe
Ab woh asaar-e-junoon bhi nahin deewanon mein
Ab woh saqi ki bhi aankhein na rahin rindon mein
Ab woh saghar bhi chhalakte nahin mai-khanon mein
Ab woh ek soz-e-nihani bhi dilon mein na raha
Ab woh jalwe bhi nahin ishq ke kashanon mein
Ab na woh raat jab ummeedain bhi kuchh thin tujh se
Ab na woh baat gham-e-hijr ke afsanon mein
Ab tera kaam hai bas ahl-e-wafa ka pana
Ab tera naam hai bas ishq ke gham-khanon mein
Ta ba ke wada-e-mauhoom ki tafseel Firaq
Shab-e-furqat kahin katt ti hai un afsanon mein