چھلک کے کم نہ ہو ایسی کوئی شراب نہیں — فراق گورکھپوری
شاعر
چھلک کے کم نہ ہو ایسی کوئی شراب نہیں
چھلک کے کم نہ ہو ایسی کوئی شراب نہیں
نگاہ نرگس رعنا ترا جواب نہیں
زمین جاگ رہی ہے کہ انقلاب ہے کل
وہ رات ہے کوئی ذرہ بھی محو خواب نہیں
حیات درد ہوئی جا رہی ہے کیا ہوگا
اب اس نظر کی دعائیں بھی مستجاب نہیں
زمین اس کی فلک اس کا کائنات اس کی
کچھ ایسا عشق ترا خانماں خراب نہیں
ابھی کچھ اور ہو انسان کا لہو پانی
ابھی حیات کے چہرے پر آب و تاب نہیں
جہاں کے باب میں تر دامنوں کا قول یہ ہے
یہ موج مارتا دریا کوئی سراب نہیں
دکھا تو دیتی ہے بہتر حیات کے سپنے
خراب ہو کے بھی یہ زندگی خراب نہیں
Chhalak Ke Kam Na Ho Aisi Koi Sharab Nahin
Chhalak ke kam na ho aisi koi sharab nahin
Nigah-e-nargis-e-rana tera jawab nahin
Zameen jaag rahi hai ke inqilab hai kal
Woh raat hai koi zarra bhi mahv-e-khwab nahin
Hayat dard hui ja rahi hai kya hoga
Ab is nazar ki duain bhi mustajab nahin
Zameen us ki falak us ka kainat us ki
Kuchh aisa ishq tera khanuman-kharab nahin
Abhi kuchh aur ho insan ka lahoo pani
Abhi hayat ke chehre par aab o taab nahin
Jahan ke bab mein tar-damano ka qaul yeh hai
Yeh mauj marta darya koi sarab nahin
Dikha to deti hai behtar hayat ke sapne
Kharab ho ke bhi yeh zindagi kharab nahin